Pab Pawg Neeg Saib Xyuas Txoj Cai Lij Choj ntawm Minnesota tau tsim tsa ntawm Pab Pawg Neeg Pab Tswv Yim (Xab Pha) rau Kev Pab Cuam thiab Kev Txhawb Nqa Mus Ncua Sij Hawm Ntev (Long-Term Services and Supports, LTSS) txhawm rau los txheeb xyuas cov tswv yim hauv kev txo qhov nce siab ntawm pob peev hauv LTSS thiab tsim cov tswv yim zoo rau Pab Pawg Neeg Saib Xyuas Txoj Cai Lij Choj los xav txog. Xab Pha suav nrog cov neeg sawv cev los ntawm cov tib neeg uas tau txais kev pab cuam los ntawm LTSS, cov neeg saib xyuas tsev neeg, cov neeg muab kev pab cuam thiab cov koom haum saib xyuas kev ua hauj lwm. Hauv kev txheeb xyuas thiab xaus cov lus pom zoo rau Pab Pawg Neeg Saib Xyuas Txoj Cai Lij Choj, Xab Pha muab kev saib siab rau cov hauv qab no:
- Kev noj qab nyob zoo ntawm cov neeg koom nrog thiab cov neeg ua hauj lwm,
- Kev ruaj khov thiab kev ruaj khov fab nyiaj txiag ntawm Minnesota's LTSS,
- Cov neeg koom nrog tuaj yeem nkag cuag tau rau cov kev pab cuam thiab cov kev xaiv, thiab
- Lub neej zoo ntawm tus neeg koom nrog.
Vim li cas thiaj li ua Daim Ntawv Ntsuam Xyuas no: Daim ntawv ntsuam xyuas no yuav suav sau cov ntaub ntawv los ntawm cov neeg koom tes, tsev neeg thiab cov tib neeg uas raug kev cuam tshuam los ntawm LTSS. Cov lus taw qhia uas tau txais yuav pab Pab Pawg Neeg Muab Kev Sab Laj ntawm LTSS tuaj yeem tsim lawv cov lus pom zoo zaum kawg txog kev txuag nqi tau.
Tej zaum yuav pom txoj hauv kev txuag tau nyiaj los ntawm kev hloov kho cov qauv tsim nyog, txo los sis kho cov hom los sis tus nqi ntawm cov kev pab cuam uas tau muab pab cuam thiab/los sis hloov kho cov nqi ntawm cov kws muab kev pab cuam kho mob. KOJ cov lus taw qhia yuav raug tshab xyuas los ntawm Pab Pawg Neeg Muab Kev Sab Laj ntawm ua ntej yuav xaus lus txog cov lus pom zoo zaum kawg.
Koj tuaj yeem hloov daim ntawv ntsuam xyuas los ua lus Hmoob, lus Lavxias, lus Somali los sis lus Mev los ntawm kev xaiv lub mes nus hom lus nyob rau ces kaum sab xis saum toj, uas yuav muaj luub cim icon tshwm nyob rau ib sab ntawm “Lus Askiv.”
Dhau ntawv lawm koj kuj tseem tuaj yeem qhib Lub Mode Kom Txhob Ci Qhov Muag Heev tau los ntaw kev siv lub cim icon qhov muag nyob rau hauv tib lub ces kaum ua ke ntawd. Lub mode no yuav ua rau pom tseeb, pom tus ntawv loj tuaj thiab ua rau cov ntawv tuab dua qub tuaj txhawm rau ua kom daim ntawv ntsuam xyuas nyeem tau yooj yim tshaj qub.
Tag nrho cov lus teb uas tsis qhia npe thiab koj tuaj yeem hla txhua lo lus nug uas koj tsis xav teb tau. Peb txaus siab los mloog txhua qhov qhov lus taw qhia uas koj txaus siab los qhia.