Daim Ntawv Soj Ntsuam Txog Cov Tswv Yim Ntawm Tsev Neeg CLTS Kev Txuas Sij Hawm Rau Kev Zam (2025)

Wisconsin’s Department of Health Services (Lub Tsev Hauj Lwm Saib Xyuas Kev Noj Qab Haus Huv) (DHS) tab tom pib txheej txheem rov ua dua tshiab daim ntawv zam rau Lub Khoos Kas Pab Cuam Txhawb Nqa Cov Me Nyuam Mus Sij Hawm Ntev (CLTS) rau xyoo 2027-2031. Daim ntawv zam rau CLTS Lub Khoos Kas Pab Cuam piav qhia tias CLTS Lub Khoos Kas Pab Cuam ua hauj lwm li cas, leej twg tsim nyog, muaj cov kev pab cuam dab tsi, thiab cov tsev neeg yuav nkag mus rau lawv tus kheej cov kev pab cuam li cas. Kev rov ua dua tshiab daim ntawv zam rau CLTS Lub Khoos Kas Pab Cuam yog ib lub sij hawm rau DHS los tshuaj xyuas thiab txhim kho qhov kev pab no. Thawj kauj ruam hauv kev txuas sij hawm yog los sau cov lus tawm tswv yim los ntawm cov neeg tuaj koom, lawv cov tsev neeg, thiab lwm tus uas cuam tshuam nrog CLTS Lub Khoos Kas Pab Cuam.

Daim ntawv soj ntsuam no hais kom cov tsev neeg qhia txog cov tswv yim txog lawv qhov kev paub txog CLTS Lub Khoos Kas Pab Cuam. Cov lus teb yuav pab kom DHS paub txog yam yuav tau tsom kwm rau los txhim kho lub khoos kas pab cuam nyob rau tsib xyoos tom ntej. Yog tias koj muaj lus nug los sis xav muab lus tawm tswv yim ntxiv, thov xa email rau ntawm DHSCLTSWaiverRenewal@dhs.wisconsin.gov.

Daim ntawv soj ntsuam yuav siv sij hawm li 10-15 feeb los ua. Nws muaj ob feem: Ua ntej tshaj plaws, peb hais kom koj ntaus nqi qhov tseem ceeb ntawm tsib qhov kev hloov pauv rau kev zam uas yuav muaj tau. Qhov thib ob, peb yuav hais kom koj nug plaub nqe lus nug thaum kawg.

Ua tsaug rau koj lub sij hawm thiab cov lus tawm tswv yim!