ICAN Informed Consent - Karen

ဆူ မိၢ်ပၢ်/ပှၤကွၢ်ထွဲတၢ်- 
 

တၢ်ထီၣ်ကၠိတၢ်မၤလိနံၣ်အံၤ, Minnesota West Community and Technical College တဖၣ် မၤသကိးတၢ်ဒီး အမဲရကၤ၀ဲၤကျိၤလၢတၢ်ဃုထံၣ်သ့ၣ်ညါအဂီၢ် (American Institutes for Research®- [AIR®]) လၢတၢ်မၤအါထီၣ်တၢ်နုာ်လီၤစူးကါခီလ့ၣ်ကၠိပှာ်ဘျးစဲ (Increasing College Access Network [ICAN]) တၢ်တိာ်ကျဲၤအဂီၢ်လီၤ. ICAN တၢ်တိာ်ကျဲၤ ဟ့ၣ်လီၤ ခီလ့ၣ်ကၠိသရၣ်တၢ်မၤလိ ဒီးတၢ်နဲၣ်ကျဲတဖၣ် လၢအဝဲသ့ၣ် အတၢ်သိၣ်လိတၢ်ဖံးတၢ်မၤတဖၣ်ဒ်လဲၣ်အဖီခိၣ် လၢကဒုးထီၣ်စၢၤ ပှၤကၠိဖိတဖၣ်အ “တၢ်ဆိကမိၣ် တၢ်ပာ်သူၣ်ပာ်သး အဂံၢ်ထံးဒိၣ်ထီၣ်” မ့တမ့ၢ် အဝဲသ့ၣ်အတၢ်နာ်လၢ အဝဲသ့ၣ်မၤဒိၣ်ထီၣ်လၢအဝဲသ့ၣ်အတၢ်သ့တၢ်ဘၣ် လၢကမၤနၢၤ တၢ်လၢကၠိအပူၤသ့န့ၣ်လီၤ. AIR မၤလိတၢ်ဒိဘၣ်ဘၣ်ဃးဒီး တၢ်ဆဲးလီၤမံၤလၢတၢ်မၤလိခံတီၤတဘျီဃီတဖၣ်လၢ အ့ထၢၣ်နဲးအဖီခိၣ် လၢပှၤကၠိဖိအတၢ်ပိာ်ထွဲထီၣ်အစၢတဖၣ် ပၣ်ဃုာ်ဒီး တၢ်ထီၣ်ကၠိ, တၢ်မၤလိ တီၤ, မးပတီၢ်တၢ်ထိၣ်ဃူ, ဒီးတၢ်ဆိကမိၣ်တၢ်ပာ်သူၣ်တပာ်သးအဂံၢ်ထံးတဖၣ်ဒိၣ်ထီၣ်န့ၣ်လီၤ.  
 

တၢ်ဃုထၢထီၣ်တ့ၢ်နဖိလၢကနုာ်လီၤပၣ်ဃုာ်လၢ ICAN တၢ်မၤလိအပူၤ မ့ၢ်လၢ အဝဲသ့ၣ် ဆဲးလီၤမံၤလၢ တၢ်မၤလိတၢ်ခံတီၤ တဘျီဃီလၢ အ့ထၢၣ်နဲးအဖီခိၣ်ဒီး ခီလ့ၣ်ကၠိသရၣ်လၢအထီၣ်ဘၣ် ICAN တၢ်မၤလိန့ၣ်လီၤ. လံာ်ပရၢအံၤအတၢ်ပညိၣ်မ့ၢ်ဝဲ ကဃ့နတၢ်ဟ့ၣ်အခွဲးလၢ ကဒုးပၣ်ဃုာ်နဖိလၢတၢ်ဟူးတၢ်ဂဲၤလၢလာ်တဖၣ်လၢ ICAN တၢ်မၤလိအဂီၢ်န့ၣ်လီၤ. 
 

• တၢ်မၤ တၢ်သမံထံ 20-မံးနံး, ခံခါ,တခါဖဲ သ့ၣ်လၣ်လီၤဆှု တၢ်မၤလိ အကတီၢ်စးထီၣ် ဒီးတခါဖဲအကတၢၢ်န့ၣ်လီၤ. 

• တၢ်ထၢဖှိၣ်တၢ်ဂ့ၢ်တၢ်ကျိၤလၢ ခီလ့ၣ်ကၠိဘၣ်ထွဲဒီး တၢ်ထီၣ်ကၠိ, တၢ်မၤလိအတီၤပတီၢ်, မးတၢ်ထိၣ်ဃူ, ဒီးတၢ်စံၣ်စိၤဂံၢ်ထံးတၢ်ဂ့ၢ်တၢ်ကျိၤ (အဒိ. စၢၤသွဲၣ်/ကလုာ်ဒူၣ်, တၢ်ကဲမုၣ်ခွါ) န့ၣ်လီၤ.  

• ပှၤကၠိဖိ 120 ဂၤအကျါ 12 ဂၤဃၣ်ဃၣ် လၢတၢ်မၤလိအကတီၢ်အံၤအပူၤအဂီၢ်, တၢ်နုာ်လီၤပၣ်ဃုာ်လၢ ကရူၢ်ပညိၣ် 45 မံးနံး တုၤလၢတၢ်မၤလိအကတီၢ် အကတၢၢ်န့ၣ်လီၤ. 

နဖိအတၢ်နုာ်လီၤပၣ်ဃုာ်လၢ တၢ်မၤလိအပူၤန့ၣ် အိၣ်လၢအတၢ်သးဆူၣ်ဒၣ်ဝဲအဖီခိၣ် လၢလၢပှဲၤပှဲၤန့ၣ်လီၤ. အဝဲသ့ၣ် ကခီကပာ်ကွံာ် တၢ်သံကွၢ်တမံၤလၢ်လၢ် မ့တမ့ၢ် ဆိကတီၢ်ကွံာ် တဘျီလၢ်လၢ်န့ၣ်လီၤ. တၢ်ဂ့ၢ်တၢ်ကျိၤလၢပထၢဖှိၣ်လၢတၢ်မၤလိအံၤအဂီၢ်န့ၣ် ကဟ့ၣ်လီၤ တၢ်ဟ့ၣ်ကူၣ်ဟ့ၣ်ဖးလၢအလုၢ်အပှ့ၤအိၣ်ဘၣ်ဃးဒီး ပှၤကၠိဖိတဖၣ်အတၢ်နာ် ဒီးတၢ်ပာ်သူၣ်ပာ်သး ဘၣ်ဃးဒီးကၠိလၢတၢ်ဂ့ၢ်ထီရီၤအပူၤ ဒီးအဝဲသ့ၣ်အတၢ်ဆဲးလီၤမံၤလၢ တၢ်မၤလိတၢ်-ခံတီၤတပြၢဃီလၢအ့ထၢၣ်နဲးအဖီခိၣ်န့ၣ်လီၤ. တၢ်ဂ့ၢ်တၢ်ကျိၤအံၤ ကလုၢ်ဘၢစိကမီၤတၢ်မၤလိလၢ အဝဲသ့ၣ်အခီလ့ၣ်ကၠိသရၣ်ဒိးဘၣ်ဝဲလၢခါဆူညါအပူၤ ဒီးမၤဂ့ၤထီၣ်အတၢ်သိၣ်လိအကံၢ်အစီန့ၣ်လီၤ. န ဖိ ကမၤန့ၢ်ဘၣ် $25 Amazon တၢ်ဟ့ၣ်ခးက့ လၢတၢ်ဆၢကတီၢ်တဘျီစုာ်စုာ် လၢအဝဲသ့ၣ်မၤ၀ံၤမၤပှဲၤ တၢ်သမံထံ မ့တမ့ၢ် ကရူၢ်ပညိၣ် ဒ်တၢ်ပာ်လုၢ်ပာ်ပှ့ၤ တၢ်ပနီၣ်အသိးန့ၣ်လီၤ. တၢ်မၤန့ၢ်အါထီၣ်တၢ်ဂ့ၢ်တၢ်ကျိၤဘၣ်ဃးဒီး တၢ်မၤလိအံၤန့ၣ် တၢ်ဟ့ၣ်လီၤ အီၤလၢ တၢ်ဟ့ၣ်ပျဲခွဲးလံာ်ကွီၣ်ဒိအပူၤန့ၣ်လီၤ. 
 

ဖဲပတၢၣ်ပီၣ်သကိးတၢ်မၤလိအံၤဒီးနဖိ၀ံၤအလီၢ်ခံ, ပကစံးဘျုးဘၣ်နၤဒိၣ်မးလၢ ဖဲနၤဒီးနဖိမ့ၢ်ဖး, ဆဲးလီၤမံၤ, ဒီးဆှၢကဒါက့ၤတၢ်အၢၣ်လီၤဟ့ၣ်ခွဲးလံာ်ကွီၣ်ဒိလၢ တၢ်ဘျးစဲဃုာ်အီၤ ဆူကၠိပှၤအိၣ်ခိးတၢ်ဒိးစဲး လၢနတၢ်ဆၢကတီၢ် အညီအဘှါလၢအဆိအချ့ကတၢၢ်န့ၣ်လီၤ.   
 

ပမုၢ်လၢ်လၢနကပျဲနဖိလၢကနုာ်လီၤပၣ်ဃုာ်လၢ တၢ်မၤလိအရ့ဒိၣ်အံၤအပူၤန့ၣ်လီၤ. 

 

ပှဲၤဒီးတၢ်ပာ်ကဲအါ, 

Kristina Zeiser, Study Director 

အမဲရကၤတၢ်ဃုထံၣ်သ့ၣ်ညါ၀ဲၤကျိၤ (American Institutes for Research) 

တၢ်ပညိၣ်. တၢ်ထီၣ်ကၠိတၢ်မၤလိနံၣ်အံၤ, Minnesota West Community and Technical College တဖၣ် မၤသကိးတၢ်ဒီး အမဲရကၤ၀ဲၤကျိၤလၢတၢ်ဃုထံၣ်သ့ၣ်ညါအဂီၢ် (American Institutes for Research®- [AIR®]) လၢတၢ်မၤအါထီၣ်တၢ်နုာ်လီၤစူးကါခီလ့ၣ်ကၠိပှာ်ဘျးစဲ (Increasing College Access Network [ICAN]) တၢ်တိာ်ကျဲၤအဂီၢ်လီၤ. ICAN တၢ်တိာ်ကျဲၤ ဟ့ၣ်လီၤ ခီလ့ၣ်ကၠိသရၣ်တၢ်မၤလိ ဒီးတၢ်နဲၣ်ကျဲတဖၣ် လၢအဝဲသ့ၣ်အတၢ်သိၣ်လိတၢ်ဖံးတၢ်မၤတဖၣ်ဒ်လဲၣ်အဖီခိၣ် လၢကဒုးထီၣ်စၢၤ ပှၤကၠိဖိတဖၣ်အ “တၢ်ဆိကမိၣ်တၢ်ပာ်သူၣ်ပာ်သးအဂံၢ်ထံးဒိၣ်ထီၣ်” မ့တမ့ၢ် အဝဲသ့ၣ်အတၢ်နာ်လၢ အဝဲသ့ၣ်မၤဒိၣ်ထီၣ်အဝဲသ့ၣ် အတၢ်သ့တၢ်ဘၣ် လၢကမၤနၢၤတၢ်လၢကၠိအပူၤသ့န့ၣ်လီၤ. AIR မၤလိတၢ်ဒိဘၣ်ဘၣ်ဃးဒီး တၢ်ဆဲးလီၤမံၤလၢ တၢ်မၤလိတၢ်ခံတီၤတပြၢဃီလၢအ့ထၢၣ်နဲးအဖီခိၣ် လၢပှၤကၠိဖိအတၢ်ပိာ်ထွဲထီၣ်အစၢတဖၣ် ပၣ်ဃုာ်ဒီး တၢ်ထီၣ်ကၠိ, တၢ်မၤလိ တီၤပတီၢ်, မးပတီၢ်တၢ်ထိၣ်ဃူ, ဒီးတၢ်ဆိကမိၣ်တၢ်ပာ်သူၣ်တပာ်သးအဂံၢ်ထံးဒိၣ်ထီၣ်တဖၣ်န့ၣ်လီၤ. 

တၢ်မၤအကျိၤအကျဲတဖၣ်. လၢတၢ်မၤလိအဂီၢ်, AIR ကဃ့ပှၤကၠိဖိတဖၣ်လၢ ကမၤပှဲၤ 20-မံးနံး တၢ်သမံထံ လၢအ့ထၢၣ်နဲးအဖီခိၣ်ဖဲ တၢ်ဆဲးလီၤမံၤလၢတၢ်မၤလိတၢ်ခံတီၤတပြၢဃီလၢ အ့ထၢၣ်နဲးအဖီခိၣ်စးထီၣ် ဒီးကတၢၢ် အခါန့ၣ်လီၤ. တၢ်သမံထံအံၤကသံကွၢ်ပှၤဃးဒီး ပှၤကၠိဖိအတၢ်နာ်ဒီးတၢ်ဒီသူၣ်ပာ်သး ဘၣ်ဃးဒီးကၠိဒီး အဝဲသ့ၣ် အတၢ်ဆဲးလီၤမံၤလၢတၢ်မၤလိတၢ်ခံတီၤတပြၢဃီလၢအ့ထၢၣ်နဲးအဖီခိၣ်န့ၣ်လီၤ. တုၤလၢတၢ်မၤလိအဆၢကတီၢ်အကတၢၢ်, AIR ကမၤစ့ၢ်ကီး 45-မံးနံး ကရူၢ်ပညိၣ်ဒီး ပှၤကၠိဖိ 120 ဂၤအကျါ 12 ဂၤဃၣ်ဃၣ် လၢအမၤလိတၢ်လၢ တၢ်မၤလိအကတီၢ်အံၤအပူၤ ကမၤလိအါထီၣ်ဘၣ်ဃးဒီးး အဝဲသ့ၣ်အတၢ်လဲၤခီဖျိတဖၣ်လၢ အဝဲသ့ၣ် အတၢ်မၤလိတၢ်ခံတီၤတပြၢဃီလၢအ့ထၢၣ်နဲးအဖီခိၣ် အပူၤန့ၣ်လီၤ. AIR ကဖီၣ်ဃာ်တၢ်ကလုၢ်လၢ ကရူၢ်ပညိၣ် လၢကမၤလီၤတံၢ် အဝဲသ့ၣ်အတၢ်မၤနီၣ်တဖၣ်ဘၣ်န့ၣ်လီၤ. လၢတၢ်ဒုးနဲၣ်တၢ်စံးဘျုးဘၣ်အပနီၣ် လၢအဝဲသ့ၣ်အတၢ်ဆၢကတီၢ် အဂီၢ်, ပှၤကၠိဖိတဂၤစုာ်စုာ် ကဒိးန့ၢ်ဘၣ် $25 Amazon တၢ်ဟ့ၣ်ခးက့တဘျီစုာ်စုာ် ဖဲအဝဲသ့ၣ်မၤပှဲၤ တၢ်သမံထံ မ့တမ့ၢ် ကရူၢ်ပညိၣ် (ပှၤကၠိဖိတၢ်သမံက သံကွၢ်ပှၤကၠိဖိတဖၣ်လၢကဟ့ၣ်လီၤ အဝဲသ့ၣ် အခီလ့ၣ်ကၠိအံမ့(လ) လၢ AIR ကစူးကါ လၢကဆှၢန့ၢ်အဝဲသ့ၣ် $25 တၢ်ဟ့ၣ်ခးက့န့ၣ်လီၤ). လၢခံကတၢၢ်, တၢ်ဃုထံၣ်သ့ၣ်ညါတၢ်မၤလိ ကမၤန့ၢ် တၢ်ဂ့ၢ်တၢ်ကျိၤ လၢခီလ့ၣ်ကၠိတဖၣ် အအိၣ် လၢအဘၣ်ထွဲဒီး တၢ်ထီၣ်ကၠိတဖၣ်, တၢ်မၤလိအပတီၢ်, အမးတၢ်ထိၣ်ဃူ, ဒီးပှၤကၠိဖိတၢ်စံၣ်စိၤဂံၢ်ထံး တၢ်ဂ့ၢ်တၢ်ကျိၤ (အဒိ, တၢ်ကဲမုၣ်ခွါ, စၢၤသွဲၣ်/ကလုာ်ဒူၣ်န့ၣ်လီၤ). 

တၢ်ခူသူၣ်ဒီးနီၢ်ကစၢ်တၢ်ဂ့ၢ်တၢ်ကျိၤ. တၢ်ဃုထံၣ်သ့ၣ်ညါတၢ်မၤလိကရူၢ် ကထၢဖှိၣ် ပှၤကၠိဖိတဖၣ်အခီလ့ၣ်ကၠိအံမ့(လ) လီၢ်အိၣ်ဆိးထံး ထဲလၢကဟ့ၣ်လီၤတၢ်ဟ့ၣ်ခးက့တဖၣ် လၢတၢ်နုာ်လီၤပၣ်ဃုာ်လၢတၢ်သမံထံ ဒီးကရူၢ်ပညိၣ်တဖၣ် အပူၤန့ၣ်လီၤ. ပှၤကၠိဖိအတၢ်စံးဆၢတဂၤစုာ်စုာ် ဒီးတၢ်သမံထံတဖၣ်န့ၣ် တၢ်တဟ့ၣ်ခီဟ့ၣ်နီၤနီတဘျီဒီး ကၠိအပှၤဘၣ်မူဘၣ်ဒါ, ခီလ့ၣ်ကၠိပှၤဘၣ်မူဘၣ်ဒါ, မ့တမ့ၢ် ပှၤတဂၤလၢ်လၢ်လၢအအိၣ်လၢ တၢ်ဃုထံၣ်သ့ၣ်ညါ တၢ်မၤလိကရူၢ်အချၢဘၣ်န့ၣ်လီၤ. တၢ်ဂ့ၢ်တၢ်ကျိၤခဲလၢာ်လၢတၢ်ထၢဖှိၣ်န့ၢ်လၢတၢ်ဃုထံၣ်သ့ၣ်ညါမၤလိအံၤ တၢ်ကပာ်အီၤဘံၣ်ဘံၣ်ဘၢဘၢ ဒီးစူးကါထဲလၢတၢ်ဃုထံၣ်သ့ၣ်ညါတၢ်မၤလိအံၤအဂီၢ်န့ၣ်လီၤ. တၢ်ဃုထံၣ်သ့ၣ်ညါ တၢ်ပာ်ဖျါ ကကျၢၢ်တံၢ် တၢ်ဃုထံၣ်သ့ၣ်ညါ တဖၣ်လၢပှၤကၠိဖိခဲလၢာ်အအိၣ်န့ၣ်လီၤ.  

တၢ်ဘၣ်ယိၣ် ဒီး တၢ်တမုာ်တလၤ. တဘျီလၢ်လၢ်ဖဲတၢ်ထၢဖှိၣ် နီၢ်ကစၢ်တၢ်ဂ့ၢ်တၢ်ကျိၤန့ၣ်, အိၣ်ဒီးတၢ်ကီတၢ်ခဲတနီၤလၢ တၢ်ဂ့ၢ်တၢ်ကျိၤသ့ၣ်တဖၣ်အံၤ ကလီၤမၢ်ကွံာ် မ့တမ့ၢ် ဘၣ်တၢ်ဟုၣ်ကွံာ်န့ၣ်လီၤ. ပပာ်တၢ်ဘၣ်ယိၣ်အံၤဆံးဆံးဖိ ခီဖျိ စူးကါ တၢ်ပာ်တၢ်ဂ့ၢ်ထၢဖှိၣ်တၢ်ဖံးတၢ်မၤဘံၣ်ဘံၣ်ဘၢဘၢဂ့ၤဂ့ၤန့ၣ်လီၤ.  

တၢ်န့ၢ်ဘျုးတဖၣ်. ပှၤကၠီဖိတဖၣ် ကအိၣ်ကအိၣ်ဒီးအခွဲးလၢ ကဟ့ၣ်ခီဟ့ၣ်နီၤလီၤ တၢ်ထံၣ်တၢ်ဆိကမိၣ်လၢ အိၣ်ဒီးအလုၢ်အပှ့ၤ ဘၣ်ဃးဒီးအဝဲသ့ၣ်အတၢ်လဲၤခီဖျိ လၢကၠိအပူၤဒီးအဝဲသ့ၣ်အတၢ်မၤလိတၢ်ခံတီၤတဘျီဃီလၢ အ့ထၢၣ်နဲးအဖီခိၣ်န့ၣ်လီၤ. တၢ်ဂ့ၢ်တၢ်ကျိၤအံၤ ကအိၣ်ဒီးတၢ်ဒိဘၣ်လၢတၢ်မၤလိ လၢအဝဲသ့ၣ် အခီလ့ၣ်ကၠိ သရၣ်တဖၣ် မၤန့ၢ်ဝဲဒၣ်လၢ ခါဆူညါ ဒီး မၤဂ့ၤထီၣ် တၢ်သိၣ်လိအကံၢ်အစီန့ၣ်လီၤ. တကးဒံးဘၣ်, ပှၤကၠိဖိတဖၣ် အတၢ်နုာ်လီၤပၣ်ဃုာ် လၢတၢ်ဃုထံၣ်သ့ၣ်ညါတၢ်မၤလိအပူၤန့ၣ် ကဟ့ၣ်လီၤ တၢ်ဃုထံၣ်သ့ၣ်ညါတၢ်အုၣ်သး လၢမ့ၢ်တၢ်မၤလိတၢ်ခံတီၤတပြၢဃီလၢအ့ထၢၣ်အဖီခိၣ်အံၤ မၤစၢၤပှၤကၠိဖိတဖၣ်အခီလ့ၣ်ကၠိ ဒီးသးသမူဒီစိၤတၢ်မၤ တၢ်အိၣ်ကတဲာ်ကတီၤသး ဒီးတၢ်ဆိကမိၣ်တၢ်ပာ်သူၣ်တပာ်သးအဂံၢ်ထံးဒိၣ်ထီၣ်န့ၣ်လီၤ. 

တၢ်သဘျ့လၢကဆိကတီၢ်.  တၢ်နုာ်လီၤပၣ်ဃုာ်လၢ တၢ်ဃုထံၣ်သ့ၣ်ညါတၢ်မၤလိအပူၤန့ၣ် မ့ၢ် နီၢ်ကစၢ်တၢ်သးဆူၣ်ဒၣ်ဝဲ လၢလၢပှဲၤပှဲၤန့ၣ်လီၤ. ပှၤကၠိဖိတဖၣ် ကဃုထၢ လၢတစံးဆၢတၢ်သံကွၢ်တမံၤလၢ်လၢ်, ဒီး မိၢ်ပၢ် မ့တမ့ၢ် ပှၤကၠိဖိ ကဃုထၢလၢ ကပတုာ် တၢ်နုာ်လီၤပၣ်ဃုာ်လၢ တၢ်ဃုထံၣ်သ့ၣ်ညါတၢ်မၤလိအပူၤတဘျီလၢ်လၢ် သ့လၢတအိၣ်ဒီးတၢ်ဟ့ၣ်တၢ်ကမၣ်ဘၣ်န့ၣ်လီၤ. 

တၢ်စူးကါ တၢ်ဂ့ၢ်တၢ်ကျိၤ လၢခါဆူညါအဂီၢ်. တၢ်တထၢဖှိၣ်အါထီၣ်တၢ်ဂ့ၢ်တၢ်ကျိၤအဂၤ မ့တမ့ၢ် ဟ့ၣ်ခီဟ့ၣ်နီၤ တၢ်ဃုထံၣ်သ့ၣ်ညါတၢ်ပညိၣ်တဖၣ် လၢတအိၣ်ဒီး တၢ်ဃ့တၢ်အၢၣ်လီၤဟ့ၣ်ခွဲးအဂၤဘၣ်န့ၣ်လီၤ. 

တၢ်ဂ့ၢ်တၢ်ကျိၤအါထီၣ်. နမ့ၢ်အဲၣ်ဒိးမၤန့ၢ်အါထီၣ်တၢ်ဂ့ၢ်တၢ်ကျိၤဘၣ်ဃးဒီးတၢ်မၤလိအံၤန့ၣ်, နဆဲးကျၢ Kristina Zeiser, တၢ်တိာ်ကျဲၤပှၤနဲၣ်တၢ်, ဖဲ AIRဖဲ 202.403.6320 မ့တမ့ၢ် kzeiser@air.org. နမ့ၢ်အိၣ်ဒီးတၢ်ဘၣ်ယိၣ် မ့တမ့ၢ် တၢ်သံကွၢ်ဘၣ်ဃးဒီး နၤ မ့တမ့ၢ် နပှၤကၠိဖိ အတၢ်ခွဲးတၢ်ယာ်တဖၣ် ဒ်တၢ်ဃုသ့ၣ်ညါပှၤနုာ်လီၤပၣ်ဃုာ်တၢ် တဂၤအသိးန့ၣ်, ဝံသးစူၤ ဆဲးကျၢ AIR အ တၢ်ကွၢ်ကဒါက့ၤတၢ်ကရၢကရိကမံးတံာ်၀ဲၤကျိၤ (Institutional Review Board [IRB]), လၢအဟံးမူဒါလၢ တၢ်ဒီသဒၢတၢ်တိာ်ကျဲၤပှၤနုာ်လီၤပၣ်ဃုာ်တၢ်တဖၣ်, ဖဲ IRB@air.org မ့တမ့ၢ် ကိးလီတဲစိကလီ ဖဲ 800.634.0797.